Les mots de les citoyen cosmopolites

Ónýtur

2006-01-28T07:05:00.000-08:00

Það er deginum ljósara að undirritaður Heimsborgari þolir ekki lengur menningarskort og almennan plebbaskap í Reykjavík. Liðin er sú tíð að undirritaður gat drukkið tunnur af rauðvíni undir styttum Parísar og kúta af Böðvari á bökkum Vltava. Í gær héldu Heimsborgararnir þrír ásamt skjaldsveini sínum, Guillaume de la Skúnk, á hið svonefnda "djamm" sem er víst aðalskemmtun óupplýsts almúga íslensku þjóðarinnar.

Vægast sagt hafði þessi reynsla djúpstæðari áhrif á mig en ég gat gert mér í hugarlund. Morguninn eftir er ég ætlaði mér að rísa úr rekkju undir ljúfum tónum hins 250 ára afmælisbarns leið mér eins og líkami minn hefði lent í sömu hakkavél og gæsalifrin sem ég gæddi mér á í París í formi patês. Gjörónýtur lá ég í móki undir dúnsæng minni og reyndi að hreinsa huga minn af minningum næturinnar. Er ég nú allur að koma til eftir því sem ég skrifa þetta, enda fátt meira gefandi en að vara viðkvæmar sálir við því að lenda í sömu hremmingum og ég.

Nú hljómar franski þjóðsöngurinn úr næsta herbergi, berst til eyrna minna og veitir mér kraft. Þökk sé honum hefur mér takist að endurreisa stolt mitt og hugi minn reikar nú til Notre Dame og Louvre. Ég er frjáls á nýjan leik.

Lystisemdir Heimsborgarans

2005-10-18T13:46:00.000-07:00

Eins og kunnugt er skellti undirritaður Heimsborgari sér í Evrópureisu í sumar. Tilgangur ferðar var að kanna ýmsa menningarkima samfélagsins, enda er það svo að maður þarf að þekkja andstæðinga sína, í þessu tilfelli plebbana. Svo við fórum, in cognito, dulbjuggumst sem almúgamenn á götum Evrópu og lifðum líferni plebbans í heilan mánuð. skuggi kom yfir sálar okkar, einhvers staðar á leiðinni gleymdum við göfugum tilgangi ferðar okkar og féllumst freistingunum á hönd. Stóri Mac, skítugur kebab, ódýrt áfengi, mittistöskur, ásókn í súlustaði, hræðilegur ferðamáti, ódýr hótel. allt varð þetta hluti af daglegu lífi okkar Heimsborgara, í staðinn fyrir miðnætursýningar á Don Giovanni komu diskótek með dúndrandi raftónlist, í staðinn fyrir rómantíska gönguferð yfir Karlsbrúnna með undurfaguri austur-evrópskri gyðju sem þú hafðir hitt í gegnum símaþjónustu komu ódýrar, skítugar strippbúllur.

Var Heimsborgarinn myrtur? Hafa plebbarnir sigrað okkur? Heimsborgarar, svarið kalli mínu, því ég óttast að þetta sé það síðasta. Heimsborgari Grettir kveður...

***

-Best að ná sér í einn pilsner-

mmmmmmm

2005-09-17T22:08:00.000-07:00

Mér líður eins og hamborgara

Fullkomnun

2005-08-06T07:11:00.000-07:00

Louvre, Eiffelturninn, Notre Dame, raudvin, baguette, ostar.

Paris.

Eg er staddur i utopiu Heimsborgarans, c'est la vie.

Útnefning og yfirlýsing

2005-07-17T13:57:00.000-07:00

Hér með hlýtur Henrik Geir Garcia útnefningu sem Góðheimsborgaravinur fyrir rauðvín það guðdómlegt er hann færði með sér heim frá upprunalandi sínu á enda veraldar hinnar kaþólsku miðaldarkirkju og leyfði undirrituðum Heimsborgara að njóta með sér um helgina sem nú er brátt á enda runnin.

Yfirlýsing mun nú vera gefin út. Þeim er bætast vilja í hinn fríða flokk Góðheimsborgaravina og -vinkvenna er eindregið ráðlagt að mæta með ljúfar guðaveigar og leyfa Heimsborgurunum að njóta með sér á góðri stundu. Allar nánari upplýsingar fást í gegnum síma og bréfpóst.

Fögnuður

2005-06-05T09:55:00.000-07:00

Heimsborgarar hittust í "penthásinu" nýverið til að finna lausn við vandanum á ofurleiðara við stofuhita. Ekki er að sökum spurt því lausnin fannst eftir langa setu á rökstólum, þá var skellt sér á sveittan föller.

Þessi mynd var tekin rétt áður en hinn þríeini hugur Heimsborgarans fann lausn vandans.

Kahdlin

2005-06-04T19:56:00.000-07:00

Maðurinn hefur ekki hitt fekkin kallinn í marga mánuði. HINS VEGAR hafa meðheimsborgarar mínir hitt hann títt að undanförnu en því miður hef ég ekki orðið þeirrar gæfu aðnjótandi í nokkra daga. Eftir því sem nýjustu fregnir herma var Kahdlin sjálfur mættur niður í bæ í gallajakka og gallabuxum en það er víst bannað eftir því sem Áslaug heimsborgarynja segir og ráðleggjum vér Heimsborgarar því öllum þeim sem vilja vera menn með mönnum að forðast slíkar banvænar tvennur.

Hér tjáðu Heimsborgarar Azgeur og Agnan skoðanir sínar á jafnréttisgrundvelli og án þess að brjóta í bága við 14. grein stjórnarskár hins ízlenska Lýðveldis...

Og nú er mál að linni...

Óður

2005-05-11T18:46:00.000-07:00

(Sungið við lagið Snert hörpu mína)

Snert lifur mína himinborni Díonýsos...

Lifrarkláðinn ágerist, ó hve Heimsborgar alheimsins þrá próflokin heitt...

Tím

2005-05-08T15:16:00.000-07:00

Á ákveðnum tímapunkti getur Heimsborgarinn ekki lengur lesið kennslubækur og verður að fara á klassíska tónleika. Námsferill minn lá í gegnum þennan tímapunkt áðan og því fór ég hingað. Þess virði.

Lebensraum

2005-04-28T15:16:00.000-07:00

Allir sannir heimsborgarar þurfa á því að halda

Rómantík

2005-04-21T13:05:00.000-07:00

Ekki laust við að Heimsborgarar hafi allir komist í feitt í gær...

Geimstöðin Heimsborgari

2005-04-10T12:59:00.000-07:00

Við Heimsborgarar erum orðnir svo þreyttir á plebbaskap mannskepnunnar að við höfum ákveðið að byggja okkur geimstöð. Kom þessi hugmynd upp í dýrindis hófi sem undirritaður Heimsborgari hélt í gær.

Hugmyndin er á byrjunarstigi en ýmislegt sniðugt hefur litið dagsins ljós. Frumskilyrði er að við höfum ótakmarkaðan aðgang í áfengar veigar og standa nú yfir samningaviðræður við helstu vínframleiðendur í heimi. Með tilkomu alnetsins verða engin vandamál hvað varðar menningarmál.

Við munum þó ekki sitja auðum höndum og drekka áfengar veigar og hlusta á klassíska tónlist og lesa heimsbókmenntir, langt því frá. Uppi eru áætlanir um að þróa lyf og stunda stofnfrumurannsóknir í þyngdarleysi og ætlum við að fá núverandi nemendur á eðlisfræðibraut 1 með okkur í verkefnið.

Hössi mun vera stærðfræðingurinn okkar og sjá um afleiðureikninga og annað sem þarf að reikna. Bessi mun sjá um hugbúnaðamál. Jón Emil verður eðlisfræðingurinn okkar. Salvör verður lífefnafræðingurinn okkar. Rósant verður sendill og sérlegur aðstoðarmaður Heimsborgara. Villi verður sérlegur aðstoðarmaður okkar í menningarmálum. Lovísa mun sjá um almannatengsl. Heimsborgari Agnan Delacroix verður lukkudýrið. Azgeur verður lyfjafæðingur og mun undirritaður sjá um verkfræðilegu hliðina. Svo ætlar hann Einar Búi að vera læknirinn okkar.

Auðvitað verður þó fyrst og fremst drukkið áfengi og rökrætt um menningarmálefni eins og Heimsborgurum er einum lagið, en auðvitað þurfum við að græða peninga til þess að iðka þá iðju.

Við vitum þó ekki hvernig hinn ástsjúki Heimsborgari Agnan muni þola að vera frá strætóstelpunni og öðrum stelpum sem hann hefur sungið mansöngva um.

Vakandi/sofandi
að feigðarósi ég flýt.
Hamlandi/hraðandi
rýtingur í bakið á plebba
drepstu drepstu drepstu...
nei bara djók

Grettoir

Nýr dagskrárliður?

2005-04-04T19:15:00.000-07:00

Víngagnrýni Heimsborgararanna. Er það eitthvað? Allavega átti undirritaður rauðvín helgarinnar.

Azgeur

Næturbríerí

2005-03-26T22:56:00.000-08:00

,,Ere the sun rises!"

Klukkan er sjö - sjö að morgni til.
Morgunhaninn galar til almúgans, en Heimsborgarinn? Galið kemur of seint, hann er löngu vaknaður. Í sannleika sagt er Heimsborgarinn búinn að vera vakandi í alla nótt. Hann tók sig til og eyddi nóttinni í samræður við manneskjur tvær af almúgaættum.
Mörgu var fleygt, sannleikurinn stóð úti á ystu nöf.

Samræðurnar snerust að mestu leyti um kvenþjóðina, sem og áður.
Ég vil um leið vekja athygli á því að Le femme du bus (Strætóstelpan) hefur enn látið ógert að hafa samband.

Erfitt er að streytast á móti æskunni, sérstaklega er heimskupör banka uppá dyrnar. Sígilt er að hrekkja sofandi menn, en sannir Heimsborgarar verða þó að þekkja hvar mörkin liggja.

Að lokum vill Heimsborgari téður lýsa frati á Tribal-tattoo og kannabisefni.

E.s.
Orðtæki næturinnar: ,,Að fljóta með straumnum"

Góð blanda

2005-03-17T12:03:00.000-08:00

Það hafa allir heyrt um þessar frægu blöndur sem við njótum dags daglega. Hver kannast ekki við malt og appelsín? Tómatsósu og majones? Steina og Olla? Landa og Gambra?

Hins vegar kynnum við hér á Heimsborgurunum til sögunnar nýja blöndu. Hún felst í svefnleysi, heimadæmum og Rachmaninov. Þeir sem treysta sér geta svo aukið ánægjuna við lausn dæmanna með því að hafa hvítvíns- eða rauðvínsglös í hönd á meðan að reiknað er, en slíkt eflir andans móð og hjálpar gífurlega til við lausn dæmanna. Hafa skal þó í huga að allt er best í hófi, því fátt þykir verra en að skila heimadæmum útötuðum í ælu.

Jafna snertils míns...

2005-03-09T02:31:00.000-08:00

Heimsborgaranum verður falið það mikilvæga verk að tegra í stærðfræðiprófi á morgun.

Ekkert nýtt er af nálinni þó á þessum tímum. Ekkert sérstakt framundan, ekkert sérstakt liðið.

Eitt er þó fréttnæmt í veröld Agnans:
Ekki er laust við að Cupid sjálfur, ástarengill himinhvolfsins hafi flogið niður frá Herrans ríki og skotið Heimsborgarann ástarörvum, í almenningsfarartæki alþýðunnar. Hversvegna Heimsborgarinn ómakaði sig með slíku fari kemur sögunni ekkert við.

Ó, kæra ástmey! Hví er ég lostinn slíkri kvöl og pínu? Er það þitt viljaverk, að ég liggi hér særður til blóðs? Hjarta mitt er skorið - blóð þess hefur vætlað út sinn síðasta dropa á meðan ósæðin pumpar lofti.
Vektu mig til lífs elsku fagra!

Eða þúst, hringdu eða eikkað...

Nýr dagskrárliður

2005-03-08T17:52:00.000-08:00

Jæja, nú er komið að nýjum dagskrárlið hér á Heimsborgaranum, en það er plebbi líðandi stundar. Vil ég ýta þessari nýbreytni úr vör með því að tilnefna Rósant Ísak Rósantsson fyrsta plebba líðandi stundar, en þessa nafnbót fær hann fyrir að svívirða mátt snittna og annarra dýrindis kræsinga sem jafnan er boðið upp á Heimsborgarasamkvæmum, auk þess sem að kransakökan í fermingaveislu hans var að hans sögn skreytt svokölluðum gúmmíböngsum og saltpillum.

Foj!

Ferskeytlan er frónbúans fyrsta barnaglingur

2005-02-27T15:58:00.000-08:00

Heimsborgararnir Agnan og Grettir héldu tregafullir út fyrir mörk höfuðborgarinnar á laugardaginn var.
Tilgangurinn var að sjálfsögðu sá eini sem fær mann til að stíga fæti út fyrir borgina - Rendezvous á Bakkus (Stefnumót við Bakkus, fyrir leikmenn (Áfengisdrykkja, fyrir virkilega trega)).
Yfirskrift ferðarinnar var Ferð nefndar skreytinga árshátíðar, auk nefndar árshátíðar.

Mikið var sprellað, og teflt var við allar stéttir samfélagsins, allt frá litlum busum upp til páfans.

Margt var um kvenmanninn.

Samt sem áður var mesta ,,kynlíf" sem Heimsborgari Agnan komst í tæri við þetta kvöld, þegar Elzbieta Baranowska missteig sig og féll á Heimsborgarann.
Hún reis þó fljótt upp aftur en Agnan horfði með eftirsjá á ginið sem draup af borðinu niður á gólf, í stórum sorgmæddum dropum...

Heimsborgarinn fer þó að íhuga sökum helberrar gúrkutíðar í kvennamálum, að leggja inn auglýsingu í DV, hvernig líst ykkur á?:

Hæ, ég er 19 ára menntaskólanemi sem hefur áhuga á:

- Víndrykkju

- Tónlist

-Hljóðfæraleik

-Kyrjun

-Breimun stelpna

o.fl.

Ef þú, kæri lesandi (kvk.) , samsvarar þér með mér og telur þig vera heimsborgaralega sinnaðan kvenmann með meiru, endilega þá, hafðu samband sem fyrst.

Nú fer þó Heimsborgarinn að enda þetta tilfinningaflæði, og það skal hann gera með litlu miðdegisljóði eftir sjálfan sig, Agnan Delacroix Louvré.

Draumur Hamlets og Júlíu um Jónsmessunótt.

Ó, Rómeó! Ó, Rómeó!

Láttu mig vita er þú færð nóg.

Finndu svo það sem hún úr þér dróg,

drekkti í tjörninni og fleygði út í skóg.

Ó, Rómeó! Ó, Rómeó!

Föl er þín hlykkjótta slóð,

þótt kinn þín sé ætíð jafn rjóð.

Segðu við hana! Segðu við hana!:

,,Hví ertu með þessum viðbjóð?"

...og mávarnir grétu.

Þessi ljóð tvö, voru tileinkuð Hr.Ásgeiri Birkissyni, f. 13.11.1985, d. Ekki enn (þrátt fyrir að félagsdauði hafi hlotist með ofangreindu kommenti sínu hér að ofan, um máva)

I Must Break You...

Ný uppgötvun

2005-02-26T07:44:00.001-08:00

Sem ég og meðheimsborgari minn Grettir sitjum að nóttu til og skrifum niður stjörnufræðifyrirlestur til flutnings í fyrramálið teljum við okkur hafa komist að merkilegri niðurstöðu. Nú tel ég víst að margir lesendur þessa bloggs, þá sérstaklega hinir víðlesnu (en það að vera víðlesinn er eitt af frumskilyrðum þess að vera heimsborgari að sjálfsögðu) hafa heyrt um Hawking geislun. Ég og Grettir teljum okkar hins vegar hafa fengið vísindalega sönnun á tilveru svokallaðrar Buckteeth-geislunar, en hún stafar einkum af rauðum dvergum. Súr færsla? Jebb, en hún vakti mikla kátínu á meðal vorra heimsborgara þegar hún var rituð.

Vínsmökkun

2005-02-26T07:44:00.000-08:00

Í gær fór heimsborgari undirritaður í vínsmökkunarboð. Boðið var haldið á Seltjarnarnesi hjá séntilmanninum Brynjari. Byrjað var á ýmsum bjórum, Lager bjór og Tuborg og þeir drukknir af miklu kappi eins og heimsborgurum er einum lagið því eins og heimsborgarinn Agnan benti hér á í fyrri færslu þá getur Heimsborgarinn ómögulega tekist á við raunveruleikann án þess að vera við skál. Síðan var fært sig yfir í sterkt áfengi og var Vodki í Sprite smakkaður. Að lokum var farið í hvítvínið og þá sáu heimsborgararnir ástæðu til að skála. Eftir það fórum við í hið saurslega ómenningarbæli sem miðbær Reykjavíkur er til að halda baráttu okkar gegn plebbismanum áfram.

Meðheimsborgarinn Ásgeir benti mér á nýja og fágaða aðferð við að dæma um gæði rauðvíns án þess að smakka það eða þefa af því. Svo virðist sem heimsborgarinn Agnan hafi beitt þessari aðferð í þónokkurn tíma með góðum árangri. Þegar hann velur rauðvín þá leitar hann eftir tvennu: í fyrsta lagi verði og í annan stað alkahólmagni. En þessari aðferð til gæðamats má slá upp í eftirfarandi jöfnu:

γ = β/ή

Þar sem γ[kr^(-1)] táknar gæði, β táknar áfengismagn í ppm og ή er verð í íslenskum krónum.

Dæmi:

Darri fer í ríkið og sér flösku sem kostar 890 kr og er 14% áfengismagn!

Hann, himinlifandi, kaupir flöskuna og fer á föller.

Stöldrum aðeins við og sjáum hvað þessi flaska fær mörg stig

í gæðamatsjöfnunni.

Höfum: γ = β/ή. Setjum í jöfnuna og fáum:

γ = 140.000/890kr = 157.3(1/kr). Ljóst er að hún fær hágæðaeinkun.

Fram, fram og aldrei að víkja,

niður með plebbana.

Góður heimsborgaraskapur

2005-02-20T18:14:00.000-08:00

Pavarotti að næturþeli svíkur engan!

Gott að hafa í huga

2005-02-18T04:00:00.000-08:00

Heimsborgarar sofa ekki. Darri var ennþá vakandi fyrir skömmu, hins vegar legg ég það ekki á Gretti að hringja í hann. Gaman að þessu...

Viðurkenning Heimsborgarans

2005-02-10T10:18:00.000-08:00

Í kvöld munu meyjar og sveinar spyrna fótum við taktfasta hrynjandi angurværrar tónlistar.

Já, árshátíð í kvöld!

Ekki er laust við að Heimsborgari Agnan sé spenntur fyrir herlegheitunum.

Vopnaður gerjuðu brauði og þjóðardrykk Mexíkana heldur hann ótrauður á vit ævintýranna.

Spenningur Agnans stafar þó af öðru en fyrirtíðafiðring Bakkusar!

Nú þannig er nefnilega mál með vexti að fyrr í dag var haldin árshátíðardagskrá Framtíðarinnar. Það væri svo sem ekki í frásögur færandi nema hvað að hátíðarræðumaður var enginn annar en forseti vor, herra Ólafur Ragnar Grímsson.

Eins og hátíðarræðumanni sæmir flutti hann skemmtilegar og þroskandi sögur, en athyglisverðust þóttu mér ummæli hans í lok ræðunnar:

,,Ég hvet alla MR-inga til að halda í ræturnar, vera sannir Íslendingar, en einnig gera heiminn að vettvangi ykkar, og vera sannir Heimsborgarar!".

Heimsborgari Agnan missti andlitið! Nú hefur sjálfur forseti Íslands lagt blessun sína yfir Heimsborgarann, og bíð ég spenntur eftir að sjá hvaða fleiri valdamenn sjái ljósið.

Ég tel ekki vera langt í ríkisstjórnina, og varla er langur tími í að ítök Heimsborgaranna nái út fyrir landsteinana.

Verið því spenntir, eins og ég, kæru Heimsborgarar, því stórkostleg umbrot eru í áhrifamætti okkar þessa stundina. Brátt mun allur plebbaskapur leggjast af; hnakkar munu gufa upp; poppmenningin mun hverfa og já, við fáum uppreisn æru!

Skálum því í dýrindis Cognac fyrir kvöldið, með þreföldu húrra:

Húrra! húrra! húrra!

E.S. Tókuð þið eftir semi-kommunum?

Regnhlífar

2005-02-06T19:17:00.000-08:00

Plebbismi Reykvíkinga hefur skaddað heimsborgarann svo að hann á það til að gleyma hvernig á að bera sig í samfélagi séntilmanna. Undirritaður heimsborgari brá undir sig betri fætinum og fór til menningarborgarinnar Lundúna. Hann hafði að sjálfsögðu með sér Traversi skóna úr krókódílaskinni, Armani fötin, Burberry trefilinn og pípuhattinn. En er hann steig úr einkaþotunni sem hann hafði leigt gegn veði í húsinu var hlegið að honum! Ástæða: Hann var ekki með regnhlíf.

Ó skömmin, niðurlægingin og örvæntingin! Hann hugsaði með hryllingi til Reykjavíkur; allir plebbarnir hlaupandi um í krumpugöllum sama hvernig viðraði. Heimsborgarinn hafði látið þá menga huga sinn svo að hann hafði ómeðvitað hætt að ganga með regnhlífina sína. Hann tók sig þó saman í andlitinu, fór huldu höfði í Swaine Adeney Brigg og keypti sér regnhlíf. Nú var hann heimsmaður með mönnum; hann gekk hnarreistur um götur Lúndúnaborgar með regnhlífina spennta hátt á lofti; hann fór í Fortnum og Mason, Royal Shakespeare theater og Tate modern.

Nú situr hann á veitingahúsi og skálar í Cognac ásamt meðheimsborgurum, Agnan og Ásgeiri. Hann þarf að sofa á farfuglaheimili í nótt því húsið var tekið af honum. En það skiptir ekki máli. Í kvöld munu Heimsborgararnir ganga um miðbæ Reykjavíkur með Brigg regnhlífarnar spenntar og plebbarnir munu sjá og hugsa með sér: "Hverjir skyldu vera gestir í JingJang í kvöld?".

Heimsborgarinn Grettir

2005-02-01T16:09:00.000-08:00

Undur og stórmerki! Hin heilaga Heimsborgaraþrenning er loks fullkomnuð. Heimsborgari Grettir kveður sér hljóðs. Nú er leiðin til algers heimsborgaralífernis greiðfær. Kæri lesandi, Grettir mun berjast gegn meðalmennskunni með hárbeittum og hámenningarlegum skrifum. Skrúfblýantar skulu víkja fyrir fjaðurpenna, orðskrípi fyrir orðskrúða, dægurflugur fyrir heimsmálefnum og skáldaleyfið skal með öllu bannfært. Grettir mun svíða meðaljónin með logandi sverði.

Kæru lesendur.
Hin myrka öld ómenningar hefur runnið sitt skeið.
Öld heimsborgarans er gengin í garð.

Heimsborgarapósan

2005-01-22T13:48:00.000-08:00

Já, það má með sanni segja að heimsborgararnir hafi komist í hann feitan í gær þegar að þeim var boðið í veizlu. Vakti mikla lukku vora að boðið var upp á léttvín og snittur (ásamt öðru) og runnu hinar gerjuðu þrúgur ljúflega niður háls heimsborgaranna. Af því tilefni var eftirfarandi mynd tekin, en hún sýnir vel hina heimsborgarísku stemmningu sem við lýði var í veizlunni.

Heimsborgarakvöld vel heppnað

2005-01-14T15:57:00.000-08:00

Nú er þetta er ritað, situr Heimsborgari Agnan í skrifstofustól á Kapalskjólsvegi 85, vafinn fjöðrum óminnishegrans. Minningar kvöldsins rétt innan seilingar, en einungis einum bjór frá því að hverfa.
Drukkið í kvöld var Lehmann rauðvín á kr.1440 í Ríkinu (!). Megi kaupmenn Íslands rísa upp og mótmæla þessari kúgun áfengisnautnamanna sem helst bitnar á Heimsborgurunum, mér og Ásgeiri og öðrum hvar sem þeir mega vera.

Nokkrir bjórar niður
Í sálinni er friður.
Margt er undan fram,
en ekki snerta, skamm, skamm, skamm.

Fjaðrirnar mig svo sannarlega sveipa. Óminnishegrinn svífur í austri og horfir á mig hlæjandi: ,,Oh-ho-ho. Teigaðu þennan sopa vel kæri vinur, því hann þinn sá síðasti mun verða í kvöld. Fyrr muntu rísa upp og fljúga yfir heimsins höf en stíga úr kistu þinni frjáls og óbeislaður."

BUCK!

Toppeintak!

2005-01-13T14:12:00.000-08:00

Eftir að hafa varið mörgum stundum með Súkkulaðinu (a.k.a. Guillaume, Skúnkurinn, Collegían eða bara Villi) hef ég ekki komist hjá því að læra ýmis slanguryrði sem er áberandi fylgifiskur tiltölulega nýrrar gerðar
af -isma sem kallast hnakkismi.

Hér eru sýnidæmi:

Þetta er toppeintak!
Notast til lýsingar á manneskju eða hlut sem hnakkinn hefur sérstakt dálæti á.

Sælir!
Þeim tókst það! Hnökkunum hefur tekist að gera þérun að tískufyrirbrigði.

Ekki veit ég hvað tíminn mun bera í skaut, en þó veit ég að með því mun meiri tíma sem ég eyði með Súkkulaðinu/Skúnkinum/Guillaume/Collegíunni/Villa, því meir fjarlægist ég Heimsborgarann.
Ójá! Rauðvín mun víkja fyrir Breezer; dýrindis Camembert-ostar munu víkja fyrir Boozti á Booztbarnum; helgi í París mun víkja fyrir 20 mínútum í ljósabekk og svo munu myndarlegar og vel þenkjandi kvenmenn víkja fyrir tannstönglum dýfðum í málningadollu (sem er mín skilgreining á stelpum hneigðar til hnakkisma).

Að lokum smá upplýsingar fyrir upprennandi Heimsborgara:
Þegar ritaður er texti, reynir Heimsborgari alltaf að nota semikommur, því semikommur eru það eina sem hnakkarnir geta ekki tekið frá okkur (hnakkar vita ekki hvað semikommur eru).

Heimsborgarar á fimmtudagsmorgni

2005-01-06T10:25:00.000-08:00

Í eilífri baráttu okkar höfunda þessa vefrits til að geta lifað lífi heimsborgarans til fullnustu í hinni annars menningarsnauðu borg Reykjavík, sem halda mætti að reist hafi verið af Plebeium til forna, gripum við höfundarnir til nýrra baráttuaðferða í dag. Í hinu hefðbundna morgunspjalli okkar heimsborgaranna sem fer fram stundvíslega klukkan 7:15 á hverjum morgni í gegnum síma kom meðheimsborgari minn með djarfa uppástungu. Rétt eins og meðheimsborgara okkar úti í París greip okkur sár löngun í ilmandi nýtt og volgt bakkelsi og brugðum við því á það ráð að halda út í brauðgerðarmusteri Bernhöfts. Er skemmst frá því að segja að þessi för var frægðarför og ljóst að andi hins sanna heimsborgara lék í brjósti okkar það sem eftir lifði dags og ljóst að baráttuþrek okkar í þessari orustu gegn plebbaskap sem við teljum siðferðislega skyldu okkar til að heyja hefur verið eflt til muna. Vefritið Heimsborgarinn hvetur því alla þá sem standa í þessari baráttu með okkur að fjölmenna út í bakaríin á morgnana og efla kjark, dáð, þrek og þor.

Heimsborgari Agnan (borið fram Anjan)

2005-01-06T09:44:00.000-08:00

R&C
Reykjavík Classic, eða ´rauðvín og Camembert´ (fyrir leikmenn) hefur löngum verið talin góð blanda, sérstaklega ef út í er bætt rómantískri tónlist og funheitum elskhuga.
Alls ekki fyrir löngu uppgötvaði ég þó að þessa unaðslegu blöndu má nota til að rífa sig upp úr rúminu á morgnana.
Margar flugur eru slegnar í einu höggi með þessu móti:
Losað er um vonda morgunskapið ásamt morgunandfýlu, mætt er almúganum hress og léttur, morgunmatur verður óþarfur og síðast en ekki síst, önnur afsökunin fyrir að teiga skáldamjöðurinn góða er að baki.
(Hver lærlingur skal nema það að fullgildur Heimsborgari leitar að afsökun í hverju horni fyrir að skella í sér einum drykk; hvernig á hann annars að geta mætt almúganum af fullri alvöru?)

En nú horfir Heimsborgari Agnan fram á teigamikla helgi, fulla af ástkonum Díonýsosar dansandi við taktfast hjarta yfirþyrmandi ölvunar.
Heimsborgari Agnan muna skála í dýrindis Cognac á la Heimsborgari Ásgeir og eflaust munum við klingja saman kristalsglösum okkar um næstu nótt, veikburða af lotningu yfir yfirburðum okkar gagnvart mannkyninu, fullir af tilhlökkun, fullir af spennu, fullir af gleði, fullir....

Skálað í fínt!

2005-01-03T13:05:00.000-08:00

Hver hefur ekki lent í þeirri annarlegu aðstöðu að gullkreditkortið bregst manni við kassann í ríkinu, af því að pabbi gleymdi að leggja inn á?
Maður er kominn með cognac (koníak, fyrir leikmenn) og afburðagott, ástralskt rauðvín í körfuna, en allt kemur fyrir ekki, maður labbar tómhentur út og ríkið lokar eftir kortér, ekki sjéns að detta fínt í það í kvöld!
Örvæntið eigi lengur kæru heimsborgarar, því lausnin er einföld, ódýr og sérlega bragðgóð:

Alls ekki fyrir svo löngu vorum téðir Heimsborgarar og annar einstaklingur (kenndur við rós og maura) vafrandi um götur Keflavíkur. Vatt þá upp að okkur maður að nafni Sebastían, en hann hélt á einkennilegri flösku, svolítið verkamannalegri en innihaldið var dásamlegt, fullyrti hann. Við, æstir í nýjungar, létum ekki slag á standa og stukkum á tilboðið, 1500 kr. líterinn, og sáum ekki eftir því.
Ónei! Kvöldið var í hillingum. Dansandi Leprekónar, Súkkulaði og Skúnkar komu við sögu í einu æsilegasta fylleríi síðan Heimsborgararnir byrjuðu að skála!
Og hver er galdurinn?

Keflavíkurlandinn!

Opnunarávarp Heimsborgarans

2004-09-04T13:47:00.000-07:00

Ég býð ykkur velkomin hér á Heimsborgarann. Hér munið þið finna skjól frá hinum ýmsasta plebbisma sem tröllríður þjóðfélaginu um þessar mundir. Eruð þið orðin þreytt á að fara með fólki á veitingastað sem fær sér bjór með dýrindis nautasteik? Þekkið þið einhverja sem biðja um steikina well done en ekki medium-rare? Fólk sem drekkur Egils Pilsner og finnst það vera góður bjór? Fólk sem fær mynd af risastórum hundi upp í heilann þegar það heyrir minnst á Beethoven, og heldur að Mozart sé súkkulaðiframleiðandi. Fólk sem hlær að Simma og Jóa en kann ekki að meta Frasier?

Ef þið eruð orðin dauðþreytt á þessum plebbisma, rétt eins og ég er orðinn, þá veit ég að við munum eiga samleið á þessari síðu. Við munum standa saman, við munum rísa upp gegn plebbunum, við munum neita að láta bjóða okkur það lengur að Jói Fel sé í guðatölu og sameinuð munu plebbarnir lúta í lægra haldi.

Og á meðan þessu stendur munum við dreypa á dýrindis koníaki, reynslusögur úr heimsreisum okkar, hvað Ngidu var nú skemmtilegur þegar við heimsóttum Tútúmennina og rifjum upp hvað frumbyggjarnir í Papúa, Nýju-Gíneu voru nú hýrir á brá þegar þeir dönsuðu fyrir okkur.

Lifi byltingin
Deyðist plebbar
Upp upp, við hörfum aldrei
Alheimsborgararáð!